مراتي وافقت اتجوز عاليها
نهى كانت حامل. لأول مرة في حياتي، سمعت كلمة:”مبروك، أنت هتبقى أب. “مكنتش مصدق نفسي. ضحكت. وبعدين عيطت. حــ,,ـــــضنت نهى وأنا حاسس إن الدنيا أخيرًا ادتني اللي كنت مستنيه. ومن اليوم ده، حياتي كلها اتغيرت. بقيت أرجع البيت مستعجل. أقعد جنب نهى بالساعات. أشتري حاجات للبيبي. وأتفرج على السونــ,,ـــــار عشرين مرة. وفي وسط كل ده…سارة اختفت من حياتي تقريبًا. كنت بروح لها كل فترة عند أخوها.
روحت لها عند أخوها. كانت قاعدة في البلكونة، ولما شافتني قالت:”إيه اللي جابك؟”قعدت قدامها. وقلت:”سارة… أنا عايز أتكلم معاكي في موضوع. “ابتسمت ابتسامة غريبة. وقالت:”أخيرًا.”اتوترت. وقلت:”أنا شايف إن الأفضل إننا ننفصل.”فضلت ساكتة. وبعدين قالت:”كنت مستنية اليوم ده.”استغربت. قلت:”يعني مش زعلانة؟”ضحكت بسخرية. وقالت:”زعلانة؟ أنا من يوم ما خرجت من بيتنا وأنا عارفة إن اليوم ده جاي.”قلت:”أنا هديكي كل حقوقك، ومش هظلــ,,ـــــمك في حاجة.”بصتلي وقالت:”حقوقي؟”قلت:”آه.”قامت بهدوء، ودخلت أوضتها.
رجعت بعد دقيقتين وفي إيدها ظرف قديم. حطته قدامي. وقالت:”قبل ما تطلقني… افتح ده.”بصيت للظرف. وسألتها:”إيه ده؟ “قالت:”حاجة كان لازم أديهالك من ست شهور… بس استنيت.”فتحت الظرف. وأول ما شفت الورقة اللي جواه…إيدي بدأت ترتعش. رفعت عيني عليها. وقلت:”إيه ده؟!”ردت بهدوء:”دي نتيجة التحليل اللي عملته من ست شهور.”قلت:”تحليل إيه؟”قالت:”تحليل الحمل.”وقعت الورقة من إيدي.
بصيت لها وأنا مش قادر أتكلم. قالت:”أيوه… أنا كنت حامل. “سكت. الدنيا لفت بيا. قلت بصوت مبحوح:”إنتِ… كنتِ حامل؟”هزت راسها. وقالت:”كنت.”قلت بسرعة:”يعني إيه كنت؟! الطفل فين؟!”ساعتها دموعها نزلت لأول مرة. وقالت:”مات.”اتجمدت مكاني. وكملت:”مات بعد ما خرجت من بيتك بأيام.”بصيت لها وأنا مش مستوعب. قالت:”كنت داخلة على تلات شهور، والدكتور قال إن الحمل توقف.
“وبعدين قربت مني وقالت:”عارف ليه مخبيتش عليك؟”هزيت راسي. قالت:”لأني يوم ما خرجت من بيتك… كنت فاكرة إنك اخترتني. “”لكن بعد ما عرفت إني حامل، فضلت مستنية منك تسأل عني… تسأل أنا عاملة إيه… تعبانة ولا لأ.””بس إنت كنت مشغول بحياتك الجديدة.”سكت. قالت:”كل يوم كنت بقول يمكن ييجي.””يمكن يفتكر إن دي مراته.””يمكن يسأل.””لكن إنت مجيتش.”حاولت أتكلم. مطلعش صوتي. وبعدين قالت الجملة اللي كسرتني:”أنا مش هطلب منك ترجعلي.
