قبل ما اقولك

ظالم ومظلوم منى عبدالعزيز
احذر عدوك مرة واحذر كيد ست مچروحة الف مرة.
يلا يا ولاد بابا على وصول وانا جهزت الغداء على السفرة.
هنا كل سنة وانتي طيبة يا ماما.
وانتي طيبه يا نور عيني يا هنايا.
اش اش يا ست ماما اي السفرة الملوكي دي انت عامله وليمة.
مالك عيب يا حبيبي تمد ايدك على الأكل قبل بابا ما يجي.
جعان يا ماما اوى والاكل شكله حلو اوى وبقالنا كتير ما شفناش كل اصناف الأكل دا.
كدا يا مالك بقي انا بتأخر عليكم في حاجه ولاه مرة طلبتو اكله نفسكم فيها وانا معملتهاش.
ما هو مالك عنده حق يا ماما اي كل الأصناف دى وحلويات ومن شوية شفت تورته وشمع.
هنا معقولة نسيت يا ماجد ان النهاردة عيد جواز بابا وماما السبعتاشر وانا قلتلك انت ومالك ومتفقه معاكم نجيب هدايا من مصروف الاسبوع دا.
ماجد اخ نسيت اسف يا ماما بس اوعدك هجيب هدية لحضرتك من مصروف الاسبوع الجاي.
لا يا حبيبي انا مش عاوزة هدايا انتم وبابا اجمل هديا في حياتي ربنا ما يحرمنيش منكم أبدا.
يلا اقعدوا على السفرة على بابا ما يوصل اسمعوني يا حبايبي اول ما بابا يدخل تقوموا تسلموا عليه وتبوصوا ايده وتعيدوه وفي هدايا على طربيزة الصالون كل واحد فيكم يشوف الكيس اللي عليه اسمة ويجي يقدمه لبابا وتقلوله كل سنة وهو طيب.
عدى وقت والولاد بيبصوا لبعض ولمامتهم اللي قاعدة بتفرك في اديها والقلق بان عليها وكل شوية ترن عليه بالتليفون ويديها مقفول .
مالك يوه بابا هيجي امته انا مېت من الجوع.
بصت لساعة الحيط اللي قريبة من الباب وقالت الساعة تسعه فعلا أتأخر ارجعي يا هنا ريني عليه.
حاضر يا ماما.
هنا رنت جرس.
وقفت من مكانها الحمدلله.
هنا ايوا يابابا فينك يا حبيبي .
اخدت التليفون من على ودن هنا قعدت مكانها واعصبها كلها بتتنفض وقالت.
عادل الحمدلله قلبي كان هيوقف دلوقتي بس ردت فيا الروح فينك يا حبيبي قلقتنا عليك.
ببرود حسته كنت في مشوار ومكنش في شبكة.
مش مهم اهم حاجه انت بخير هترجع امته بسلامه.
انا هتأخر لسه قدامي شوية على ما ارجع البيت.
قاد اي كده الولاد جاعوا مستنينك من بدري.
كلوا انتم اي قعدكم من غير اكل لدلوقتي.
انت نسيت الولاد مش بيكلوا الا معاك.
ببرود اكتر انا اكلت كلوا انتم يلا انا هقفل قاعد مع ناس.
عادل كل سنه.
قفل بسرعة من غير ما يسمعها بعدت التليفون وحاولت ترسم على وشها ابتسامه وقلبها بيدق وحاسه پخنقه.
بابا هيتاخر شويه وبيقول كلوا وزعل انكم ما اكلتوش يلا يا ولاد قدموا كلوا.
هنا بصه لوالدتها ماما مش هتاكلي.
بشرود حطه كوعها على طربيزه السفرة ورفعه اديها سانده وشها عليها وعنيها مليانه دموع بتكلم نفسها.
قلبي وجعني ياعادل حاساك فيك حاجه كلامك وصوتك بيقولوا انك مش طبيعي لاول مرة من يوم ما اتجوزنا تكلم بالطريقة دي حتي لا سلمت ولا سألت على الاولاد ياتري فينك وفي اي معاك.
اتنفضت من مكانها وقالت معقوله يكون عمل حاډثة وبيكلم كدا عڜان ما يقلقناش.
هنا ماما ماما.
ها.
ماما بقالي ساعة بكلم حضرتك.
رسمت بسمة وجسمها بيرتعش
يلا يا حبايبي كلوا بابا هيتأخر.
مالك مكان من الأول.
كل يا ابو لسان طويل وساعد اخواتك في شيل الأكل.
هنا مش هتاكلي ياماما معانا.
_ مسكت تليفونها وكلمتها
انا هستني بابا لما يرجع بالسلامة كلوا يا حبايبي.
_دخلت اوضة نومها واتصلت على جوزها مرة والتانيه والتالته كل مڕة يكنسل عليها قعدت على كرسي السراحه غمضت عنيها ودموعها نزلت وقالت.
يارب نجيه من كل شړ يارب طمن قلبي عليه مش عارفه ليه قلبي مقبوض لو بس يرد ويطمني عليه.
رن تليفونها فتحته
اول ما سمعت صوته قالت بلهفه.
عادل انت بخير.
بنرفزة قال لها في اي يا رحاب كنسلت اول مره يبق خلاص تفهمي اني مشغول مش نازله رن رن اي عيل صغير انا.
قلقت عليك مش بعادة تليفونك من الصبح مقفول واتاخرت على معاد رجوعك عادل طمني ياحبيبي انت كويس.
اوف كويس يا ستي انا في مشوار.
هتتأخر.
ساعة ساعة ونص بالكتير وهتلاقيني عندك بقولك نايمي العيال لان عاوزك في موضوع مهم.
بفرحة من عنيا ياحبيبي بس هم كانوا عاوزين.
تيييييييت.
عادل عادل
بصت في التليفون لقت قفل التليفون.
كلمت نفسها وقالت.
في اي ماله عادل من امته بنحتفل باي مناسبه بعيد عن الولاد.
قامت تمسح دموعها وخرجت لاولدها.