كانت واقفه
اريام روحت وحكت لسلسبيل على كل اللي حصل وسلسبيل قالت لها يا لهوي يا اريام مش قلت لك انه حب من اول خناقة ده طلع فيلم هندي بجد اريام قالت لها تصدقي يا سلسبيل اول مرة احس اني مبسوطة اني بتخانق في الشارع لولا الخناقة دي ما كنتش شفته ولا عرفته.
وبعد اسبوع حازم جه هو وجبر اللي كان زي ابوه في الشغل واتقدم لاريام رسمي وامها وافقت لما شافت اد ايه هو راجل محترم وبيحب بنتها بجد ونورا كانت طايرة من الفرح وبتقول لاختها اخيرا يا اريام هتتجوزي واحد يستاهلك وواحد يعرف قيمة عنادك وقلبك الطيب.
وحازم واريام اتخطبوا وعملوا خطوبة صغيرة في البيت وحازم كل ما يشوفها يقول لها فاكرة يوم ما شفتك وانتي بتتخانقي في الشارع اريام تقول له اه فاكرة كنت شكلي وحش اوي حازم يقول لها لا والله كنتي زي القمر وانتي بتزعقي وبتاخدي حقك وانا من ساعتها وانا واقع في حبك من اول خناقة والحد دلوقتي مش مصدق ان الخناقة دي جابت لي احلى حاجة في حياتي.
وبدأت ايام الخطوبة تعدي وكل يوم كانوا بيكتشفوا حاجة جديدة في بعض اريام عرفت ان حازم مش بس مهندس شاطر ده حنين وبيحب امه واخته وبيساعد اي حد محتاج وحازم عرف ان اريام مش عنيدة بس دي طيبة وقلبها ابيض وبتسامح بسرعة رغم انها بتبان جامدة من بره.
سلسبيل كانت بتيجي كل شوية تقول لاريام يا بختك يا اريام حازم ده لقطة واي بنت تتمناه ونورا كانت بتذاكر مع حازم الرياضة اللي كانت صعبة عليها وحازم كان بيشرح لها بصبر كأنه اخوها وام اريام كانت بتدعي لهم كل يوم وتقول ربنا يتمم لكم على خير ويبعد عنكم العين.
وفي يوم اريام كانت رايحة الحضانة بدري ولقت زاهر واقف عند اول الشارع شكله تعبان بعد ما جبر طرده من الشغل وبعد ما دخل القسم كام يوم زاهر قال لها انا اسف يا اريام حقك عليا انا كنت شيطان وعرفت غلطتي اريام خافت في الاول بس بعدين قالت له انا مسامحاك يا زاهر بس اتعلم من غلطك وما تأذيش حد تاني عشان الدنيا دوارة.
حازم لما عرف قال لها انتي قلبك ابيض اوي وانا بحب فيكي انك بتسامحي حتى اللي اذاكي اريام قالت له ما انت اللي علمتني ان القوة مش في الزعيق وبس القوة كمان في السماح.
وقرب الفرح واريام ونورا وسلسبيل نزلوا يشتروا فستان الفرح ولفوا السوق كله ونورا تقول لها شكلك هيبقى قمر بالابيض وسلسبيل تقول لها لا التاني احلى وفي الاخر اختارت فستان بسيط ورقيق زي قلبها وحازم لما شاف صورتها قال لها انتي احلى عروسة في الدنيا.
