ايام ماكنت بخدم

. كلمت الست وقولتلها تكلمه وتقوله إن العملية بـ١٥ وإنها غلطت، لكنها رفضت وقالت إن دي سرقة والراجل جزاه الله خير كفاية إنه بيساعد مش هنسرقه كمان، حاولت معاها باللين رفضت تمامًا، هددتها إني هقطع عنها المعونات وفلوس المستشفى لكنها فضلت على موقفها بل قالتلي إنها هتحكي للراجل كل حاجة.

. قفلت معاها وأنا مرعوبة، وفكرة إن الراجل ميكلمنيش حتى ده معناه إنه أكيد مش هيعدي الموضوع بالساهل، ومكنش قدامي حل غير إني أجبر الست دي تكلمه وتقوله إنها غلطت في الرقم، كلمت واحد معرفة، عيل بلطجي كان بيحميني أوقات بالليل وبياخد فلوس، قولتله يروح يهددها ببناتها ويصورها صور مش كويسة وهياخد مبلغ محترم.

. فرح أوي بالموضوع وخد فلوسه مقدم، وفعلًا راح، وفضلت متوترة لحد ما رجع وطلب يدخل البيت عشان يحكيلي اللي حصل، وأول ما دخل طمني وقالي إنه صورها واعتدى عليها وأجبرها تغير كلامها، بس محتاج كوباية شاي عشان يوريني الصور..

دخلت أعمله أحلى كوباية شاي لقيته دخل ورايا وحط السكينة على رقبتي، هددني لو نطقت هيخلص عليا، قالي إنه راح لقى ست مسكينة بتربي يتامى، رفضت تاخد فلوس حرام وكانت بتحلفني بالله مقربش منها، فاستحقرت نفسي واستحقرتك أكتر.

. واعتدى عليا، قالي إن اللي تستاهل هي أنا مش هي، وصورني تحت تهديد السلاح، ومش بس كدا، ده كان بينتقم مني، بعت الصور للراجل وحكاله على كل حاجة، وقاله إني حرامية، وإني عاهـ ـرة وبعمل الحرام ومشغلة فلوسه في الحرام..

وتاني يوم بس كنت في القسم ومعايا الممرضة اللي كانت بتض. رب ورق العمليات، واتحكم عليا في قضية نصب والخبر انتشر والكل لعني ألف مرة واتمنولي المو. ت، معرفش ليه افتكرت وقتها الحجة، افتكرت الست اللي ما. تت وتراب الأرض بكى عليها، وأنا اللي الكل بيلعني دلوقتي حتى البلطجي..

المال الحرام، هو المال الحرام، اللعنة اللي هتدمر حياتك وهتدمر آخرتك، لو ربنا وكلك على مال ناس أو مصالح ليهم إياك تخون الأمانة، إياك.. [إِنَّ الَّذِينَ يَأْكُلُونَ أَمْوَالَ الْيَتَامَىٰ ظُلْمًا إِنَّمَا يَأْكُلُونَ فِي بُطُونِهِمْ نَارًا ۖ وَسَيَصْلَوْنَ سَعِيرًا] سورة النساء بقلم/ أحمد محمود شرقاوي