زار بنته

أمينة طلعت موبايلها.
ضحكت الحاجة سنية وقالت
هتتصلي بالشرطة عشان بنتك كانت بتغسل مواعين؟
قالت أمينة بهدوء
لأ.
واتصلت برقم وهي مغمضة عينها عن كريم.
أستاذ شريف… فعل إجراءات ملكية بيت مصر الجديدة، وابعت الأمن والمحامي وكل الأوراق… حالًا.
كريم عقد حواجبه وقال
إجراءات إيه؟
قفلت أمينة المكالمة وقالت
إجراءات صاحب البيت الحقيقي.
ضحك كريم بثقة.
أنا صاحب البيت.

هزت أمينة راسها وقالت
لأ يا كريم… إنت مجرد واحد متسمح له يقعد فيه.
بصت يارا لأمها باستغراب.
ماما… إنتِ بتقولي إيه؟
بصت أمينة للراجل اللي كان بيهين بنتها، وقاعد على سفرة مش بتاعته، وبيستخدم حاجات ما دفعش فيها جنيه، وفاكر نفسه محدش يقدر عليه.
وقالت بمنتهى الهدوء
بعد خمس دقايق هتعرف ليه كان أكبر غلط في حياتك إنك مديت إيدك على بنتي.
في اللحظة دي وش كريم اصفر… لأنه سمع صوت عربيات كتير وقفت قدام البيت، وصوت أبواب بتتفتح… وكل اللي جواه بدأ ينهار وو
حكايات_زيزي

صوت فرامل العربيات وقف قدام العمارة، وخطوات سريعة طلعت على السلم.
كريم حاول يبان ثابت، لكنه بلع ريقه بالعافية.
قال بصوت عالي وهو بيبص ليارا
إوعي تكوني اشتكيتي لأهلك… والله لأخلي يومك أسود.
يارا ما ردتش… كانت أول مرة من شهور تحس إن حد واقف في ضهرها.
بعد ثواني، جرس الباب رن.
مرة…

واتنين…
وتلاتة.
أمينة ما اتحركتش من مكانها، وقالت بهدوء
افتح يا كريم… الضيوف جم.
فتح الباب وهو متعصب، لكنه اتجمد مكانه.
قدامه كان واقف راجل في بدلة شيك، ومعاه اتنين أمن، وفي إيديهم ملفات سميكة.
الراجل بص لأمينة باحترام وقال
مساء الخير يا فندم… كل المستندات معايا.
كريم اتوتر وقال
حضرتك مين؟
الراجل بصله نظرة سريعة وقال
هتعرف دلوقتي.
ودخل من غير ما يستأذن، وحط الملف على السفرة اللي كان كريم لسه قاعد عليها من شوية.
الحاجة سنية قامت واقفة وقالت بعصبية

إيه قلة الأدب دي؟ داخلين بيت الناس كده؟
ابتسم الراجل ابتسامة خفيفة وقال
حضرتك متأكدة إنه بيتكم؟
سكتت.
فتح الملف، وطلع منه عقد، وبعده عقد تاني، وبعده كشف رسمي مختوم.
كريم حاول يخطف الورق، لكن رجل الأمن وقف بينه وبين الملف.
قال كريم بانفعال
كل ده تمثيل… الشقة دي باسمي.
رفع الراجل عينه وقال
باسمك؟
وأخرج ورقة صغيرة من الملف، حطها قدامه.
اتفضل… بص بنفسك.
كريم مسك الورقة، ومع أول سطر، ملامحه بدأت تتغير.