لو امي وابويا ضربوكي
في الصباح الباكر، نقلني دانيال لـ مستشفى خاص في التجمع الخامس عشان أكون في أمان، وفي نفس الوقت كانت النيابة بتستكمل أخذ أقوالي وسماع شهادتي.
في نفس التوقيت، راح حازم وفوقية وكامل على مستشفى قصر العيني، مع Bاغ فاكهة في إيديهم وداخلين بنفس الجبروت والنية: مش جايين يتأسفوا، جايين يضغطوا عليا عشان أتنازل. بس المرة دي مالقونيش! ممرضة الرعاية أبلغتهم ببرود إن فيه قرار رسمي بعدم التعرض، وإن أي محاولة للوصول ليا هتعتبر ج/ريمة، وأي كلام لازم يكون عن طريق المحامي. لأول مرة من عشر سنين، ما يقدروش يقفلوا عليا باب أو يقرروا نيابة عني.
دانيال فضل مكمل فحص في الأوراق والمستندات. القصة بدأت من خمس سنين لما كامل رهن بيت مصر الجديدة عشان يمول مشروع وفشل، وأنا اللي قعدت أدفع السداد والأقساط عشان البيت ما يروحش في مزاد. بس الغريب ظهر لما دانيال فحص الحسابات كويس؛ حازم كان دايماً يفهمني إن أبوه بيساعد وبيحط مبالغ في السداد، بس في كشوفات الحسابات طلعت فيه إيداعات بتيجي من شركة اسمها “القمة للتوريدات”. الشركة دي هي هي نفس الشركة اللي حازم بيتعامل معاها في شغله كمدير مبيعات وبيعطيها مناقصات تنظيم مؤتمرات واستشارات بمبالغ خيالية! الفواتير كانت مبالغ فيها، أرقام مقفولة ومكررة بتتخطى الـ 400 ألف جنيه تحت مسميات وهمية!
ساعتها افتكرت لابتوب قديم بتاع حازم كان سابه في شقة اختي في المعادي وقت ما كنا بنجدد شقتنا، واللابتوب ده كان لسه مربوط بملفات ورسائل إلكترونية. كلمت أختي فوراً وقلت لها ما تفتحش أي حاجة وتسلم الجهاز لـ دانيال عشان خبير تقني يفرغ البيانات بشكل رسمي وقانوني.
بعد يومين، النتيجة كانت بمثابة القنبلة!
لقينا إيميلات بين حازم وبين محاسب الشركة إياها بيتكلموا فيها عن تزوير الفواتير ورفع أسعار المناقصات وأخذ عمولات كاش، ورسائل تانية مع أبوه كامل بتتكلم عن عربية زيرو متسجلة باسم ابن عمهم وشقة في الشيخ زايد مدفوع مقدمها عن طريق طرف ثالث!
بس الأوسخ من كل ده، كان الشات اللي دار بينهم ليلة ما اتضربت.
فوقية كاتبة لـ حازم: “البت مش راضية تطلع قرش من ميراث جدتها!”
حازم رد عليها: “اضغطوا عليها.. الفلوس دي هي اللي هتغطي العجز وتنقذنا من الورطة!”
وبعدها بدقايق فوقية كاتبة: “أبوك ضربها وقعدت في الأرض مش بتتحرك.”
