امي كانت غاليه عليا
. عدت الليلة بس الموضوع اتكرر، اتكرر كتير أوي، مكنتش بروح فرح إلا وبشوف أمي بترقص بلبس خليع وسط الرجالة، وكانت الغيرة بتنهش فيا عليها وأفضل أصرخ وأنادي عليها، لحد ما عملت أكتر من مشكلة وآخرهم أصحاب الفرح ضربوني وسحلوني لما ضربت واحد منهم وأنا ثاير، ضربوني على راسي بالشوم لحد ما نـــ،،زفــ،ـت د م ووقعت في الأرض..
كل اللي بعد كدا أنا مش فاكره ولا عارفه، بس الكلام اللي بسمعه عني إني مجنون، ببشوف عفاريت، مضروب على راسه وفاقد الوعي، عنده جـ،،لــ،ـطـ،ـة ومتعالجش منها، كل اللي أعرفه إني حاليًا لازم أقعد على قبر أمي يوميًا أبكي والناس بيشفقوا عليا ويحطولي أكل وشرب، وأكل جنب كلاب المقابر من نفس الطبق، ده اللي أنا أعرفه ومعرفش وصلت للنقطة دي ازاي..
يمكن جملة أمي الأخيرة، لما قالتلي ربنا بيدي للإنسان فرصة مرة واتنين، وأنا خدت كل الفرص دي، خدتها باللين أولًا وبكلام أمي، ثم خدتها بالشدة لما أمي مـ،،ا تـ،ـت عشان أفوق، وبعدها الفرص انتهت، وهكذا حال الإنسان اللي بيعمل الحرام، سواء مال حرام، إباحية، معصية، بياخد فرصة واتنين وعشرة.. مرة على هيئة نصيحة، ولو رفض يجي بلاء أكبر، مرض، ابتلاء، فقر، لعله يتوب، ولو أصر ربك وقتها بياخده أخذ عزيز مقتدر، بس وقتها بيتکفر عن ذنوبه برضه لكن مش في الدنيا، بيكفر عنها في قلب النـ،،ا ر، وما أدراك ما النـ،،ا ر، فلو جتلك الفرصة تخرج من حاجة حرام أخرج فورًا، ويا بخت اللي بيخرج من أول فرصة واللي هي نصيحة من حد قريب منه، لأن اللي بيكمل بيهلك نفسه.
أمي كانت غضبانة عليا بسبب الشغلانة اللي كنت بشتغلها وكانت مبتاخدش مني جنيه واحد وبتقول إن فلوسي كلها حرام، وطبعًا في الداخلة والخارجة مكنتش بتبطل كلام عليا، مرة تقولي إن كل فلوسي حرام وهدخل النـــ،،ا ر، ومرة تقولي إن معنديش نخوة وأن مفيش راجل يقبل على نفسه الشغلانة دي أبدًا، ومرة تقاطعني بالشهر، وكانت رافضة تمامًا إنها تبطل شغلها وتكتفي بفلوسي الكتير اللي مكنتش بتخلص.
. والحقيقة إني كنت عارف إن كلامها كله صح، لكني غرزت في الشغلانة دي ومكنتش عارف أخرج منها خلاص، أو بمعنى أصح مبعرفش أعمل حاجة غير إني أشتغل على الطبلة في الأفراح، يمكن أحسن واحد بيضرب على الطبلة في الأفراح الشعبية، وطبعًا كان شغلي كله ورا واحدة بترقص ببدلة رقص، وغالبًا بتكون هي زعيمة الفرقة كمان، وكتير منهم مكنتش بترقص غير على الطبلة بتاعتي وكانوا بيطلبوني بالاسم، والرقم اللي كنت بحدده كنت باخده بدون أي فصال.
