ابويا كان
عرفت الأطفال الأيتام، واللي أهلهم فقراء وكنت بديهم ببلاش، بل كنت بعملهم أكياس أكبر من اللي ببيعها عشان ربنا يتقبل مني، لحد ما عديت في مرة من منطقة مكنتش بعدي منها خالص، وأثناء مانا بنفخ في الزمارة عشان الناس تسمع الصوت وتعرف بحضوري لقيت بنت في البلكونة، بنت صغيرة متعلقة أوي وبتمد إيدها ناحيتي، وعنيها كلها رغبة في الكيس ده..
ابتسمت وكلمتها وقولتلها الكيس بكذا، قالتلي إنها لو طلبت الفلوس دي من أبوها هيمــ,,ـــــوتها من الضــ,,ـــــرب وإنها مش معاها، ولمحت دموع في عنيها خلتني جبت حجر صغير وربطت فيه كيس غزل بنات وحدفته جوه البلكونة وابتسمت وكملت.. ولقيت نفسي مضطرة أرجع تاني من نفس الطريق عشان ألمح نفس البنت، بس المرة دي كانت واقفة في الشارع ومعاها راجل شكله فظ، كان مسكها وبيضــ,,ـــــربها ضــ,,ـــــرب مميت وعمال يشتمها، مكنتش عارفة هو بيضــ,,ـــــربها ليه، وهي كانت منهارة من العياط، حاولت أتدخل شتمني وكان هيضــ,,ـــــربني، مشيت من قدامه وأنا خايفة وفضلت أراقب البنت من بعيد لحد ما خدها ودخل البيت.
. حزنت من قلبي عليها، وحزنت لأن أبوها مش حنين زي أبويا، وفضلت طول الليل مقهورة ومش عارفة أنام، وتاني يوم تعمدت أمشي من نفس المنطقة، وعملت كيس كبير عشانها، وفرحت لما لقتها في البلكونة واقفة نفس وقفتها، وكان واضح على ملامحها آثار الضــ,,ـــــرب والحزن، حدفتلها الكيس وفرحت أوي.. سألتها عن اسمها وقالتلي إن اسمها (غدير) اسمها كان جميل أوي، سألتها عن سبب ضــ,,ـــــرب أبوها قالتلي إنها صرفت نص جنيه وكان بيضــ,,ـــــربها عشان كدا، قولتلها متصرفش فلوس تاني وأنا كل يوم هعدي واديها غزل بنات ببلاش عشان محدش يضــ,,ـــــربها.
. ولقتها بتنط من الفرحة، وكملت يومي، وبقت العادة كل يوم أعدي من نفس المكان عشانها مخصوص رغم إنها منطقة مش ببيع فيها، وكنت بديها الكيس ونتكلم دقيقة وبعدين أمشي، كنت حاسة إنها أختي اللي تمنيت كتير إنها تكون موجودة، وبقينا يوميًا على الحال ده، أحكيلها وتحكيلي، ونضحك، ألاقيها في مرة مجهزالي ازازة مية ساقعة وكنت بشرب واحدفها تاني عشانها.
. وأوقات تبقا مجهزة حجارة عشان أربط فيها كيس غزل البنات، لحد ما في مرة وأنا بديها غزل البنات أبوها طلع، وشافني بحدف حجارة على البيت، شتمني، وجري ورايا، وهددني لو جيت تاني هيكسر عضمي.. هربت من المكان وأنا خايفة أوي، ومع ذلك كنت بعدي برضه عشان أشوفها، لكن من يومها البنت اختفت، عديت كتير وكل مرة كان بيبقا عندي أمل أشوفها لكن دايمًا مبتكونش موجودة للأسف.
