طلبت من حماتي
وكيل النيابة كان راجل تلاتيني، ملامحه صارمة ونظارته الطبية على طرف مناخيره، قدامه ملف التحقيق وفلاشة ميموري عليها تسجيل المكالمة اللي فرغتها المباحث الصبح، بالإضافة للتقرير الطبي وبزازة اللبن المتحرزة. قعدت على الكرسي قدامه، والشاويش دخل ورايا نجلاء وحماتي والحاج رضوان والمحامين. وكيل النيابة خبط بالقلم على المكتب، وسكت القاعة كلها في ثانية.. بص لنجلاء وقال بصوت جهوري يهز الحيطان: «المتهمة نجلاء عبد الرازق.. منسوب ليكي جناية الشروع في قتل الطفل الرضيع يوسف محمود عمداً مع سبق الإصرار والترصد، بوضع مادة سامة ومهدئة في غذاء المجني عليه.
. التسجيل الصوتي المفرغ من تليفونك بيثبت اعترافك لأختك بالواقعة وبالدافع، وبصماتك مطابقة تماماً للإزازة المحرزة.. إيه قولك في الكلام ده؟»نجلاء انهارت ووقعت على ركبها قدام المكتب، صوت الكلبشات كان بيزيق مع رجفتها: «والله العظيم شيطان يا بيه! أنا مكنتش عايزة أقتله، أنا كنت عايزة أعلمهالها أدب بس! دينا كانت بتبصلي بتكبر عشان كليتها وعشان جوزها بيحبها، وأنا كنت خدامة تحت رجلين حماتي.
. قولت أحط نقطتين مهدئ الواد يسخن أو يدوخ فتقعد جنبه وتفوت الامتحان ومتاخدش الشهادة اللي بتتعالى بيها علينا! والله العظيم ما كنت أعرف إن الجرعة دي هتموته!»المحامي بتاعها اتدخل بسرعة: «يا فندم، موكلتي بتعترف بالخطأ غير المقصود، والدعوى لا ترقى للشروع في القتل، ده مجرد إيذاء خفيف ناتج عن جهل، وبنطلب تعديل القيد والوصف لجنحة ضرب أو إهمال، وبنلتمس إخلاء سبيلها بأي كفالة.»هنا حماتي مقدرتش تسكت، وقامت فجأة تصرخ في المحامي: «إهمال إيه يا راجل يا مجنون؟! دي كانت هتموت ابن الغالي!
دي حية ربيناها في بيتنا عشان تنهش في لحمنا!»وكيل النيابة زعق بحزم: «هدوء في الجلسة! مفيش كلمة تتقال من غير إذن!»بصلي وكيل النيابة وقال: «المجني عليها ووالدة الطفل.. أقوالك يا فندم في مذكرة الدفاع؟ وهل عندك نية للصلح أو التصالح الأسري زي ما طلب وكيل المتهمة؟»رفعت عيني في عين الحاج رضوان اللي كان مثبت نظرات التهديد عليا وبيضغط على عكازه كأنه بيأمرني أوافق.. وفي اللحظة دي بالذات، حسيت بقوة العالم كله في صدري.
. بصيت لوكيل النيابة وقولت بنبرة واضحة ومتقطعة من الحسم: «مفيش صلح يا فندم.. اللي تحط سم لطفل رضيع مش بني آدمة دي وحش كاسر.. وأنا مش بس بتهم نجلاء بالشروع في القتل.. أنا بطلب إدراج الحاج رضوان وحمايا وحماتي كمتسترين ومشاركين في محاولة إخفاء أدلة جنائية، بعد ما حجزوني في الشقة وحاولوا ينتزعوا مني التقرير الطبي والتليفون بالقوة، وبعتوا رجالة يتهجموا عليا في الشارع عشان يدفنوا الجريمة!
